[قوانين وشروط المنتدى الاضافيه]

القوانين

1_ يرجى من الاعضاء ان لايضعوا اكثر من موضوعان في القسم الواحد يومياً

القصد انكم تقدرون تحطون في القسم الواحد كحد اعلى موضوعين بس .. يعني
تقدرون تحطون في اليوم اكثر من 40 موضوع بشرط انها تكون موزعه على الاقسام
وليست في قسم واحد بس

2_ لايجوز للعضو ان يعترض على قرارات المشرف واجرائاته في اي حال من الاحوال

القصد انكم ماتعترضون على المشرف مهما اتخذ من اجرائات مثل مسح رد او حذف
مشاركه وا غلق موضوع ولكن من الممكن انكم ترسلون له رساله خاصه وتحلون
المشكله بدون اياحراج للطرفين

3_ عدم التلفظ بكلمات غير لائقه حيث ان الهدف منها السخريه

القصد انكم ماتكتبون كلام مثل ( جب , خروف , سبال , تمساح ...الخ ) بحيث
ان هذي الكلمات من الممكن انها تجرح الشخص الي موجهله الكلام
وكل عضو له طبعه الخاص فيهم الي يعتبرها مزحه وفيهم الي يزعل منها
ويشيل بخاطره وتحصل مشاحنات بالكلام وممكن تنتهي بالمشاجره

4_ عدم المشاركه بردود تقلل من شأن الموضوع

القصد انكم اذا شفتوا موضوع وماعجبكم لاتردون عليه وتحطون تعليقات مالها داعي
وبأمكانكم انكم ترسلون رساله خاصه للمشرف على قسم الموضوع او للمدير العام
وهو راح يتصرف ويتعامل مع الموضوع اذا كان مخالف او ماشابه

5_ يمنع وضع عدد كبير من الابتسامات داخل صندوق المحادثه

القصد انكم ماتوضعون عدد كبير من الابتسامات في صندوق المحادثه لان هالشي
راح يثقل على المنتدى ويبطئ من سرعته واي حد يخالف هالشي راح يحظر من
المحادثه

6_ سوف يتم إزالة التوقيع لاي عضو من الاعضاء اذا كانت تحتوي على صور غير لائقه

القصد انكم اذا شفتوا اي توقيع لاي عضو في المنتدى فيه صور مخالفه للشروط
او فيه روابط اعلانيه لمواقع ثانيه راح يتم حذف التوقيع واعطاء مخالفه فوراً

7_ يمكن للمدير العام اغلاق حساب اي عضو منتمي الى المنتدى ولكن من دون مشاركات

القصد اني راح اغلق حساب اي عضو يدخل المنتدى ويتفرج على المواضيع فقط
دون المشاركه ولو بمشاركه واحد في الشهر وهذا دليل على ان العضو هذا راح ينقل تعب الاعضاء
الى مواقع اخـرى والله اعلم

وانشالله الكل يتآخذ الحذر

وعساكم ع القوه

وتحياتي لكم مدير الموقع/QaTaRi-MzYoN